Qaraqalpaqstan Respublikası Ministrler Keńesi tárepinen tastıyqlanǵan Media reje tiykarında Qaraózek rayonı aymaǵındaǵı jańadan qurılǵan sport maydanshalarınıń qurılıs jumısları menen tanısıw maqsetindexalıq deputatları qaraózek rayonlıq Keńes deputatları, tiyisli taraw qánigeleri hám ǵalaba xabar quralları wákilleriniń qatnasında Media tur bolıp ótti.
Media tur qatnasıwshıları dáslep, 2024-jıldıń birinshi yarımında «Ashıq byudjet» portalı arqalı puqaralardıń dawıs beriw jolı menen 1-sanlı mektep qaptalınan qurılǵan jasıl qaplamalı futbol maydanshası, Voleybol hám Basketbol rezina qaplamalı sport maydanshalarınıń qurılıs jumısları menen tanıstı.
Bunnan soń «Esim» MPJ aymaǵındaǵı «Gulzar» kóshesi boyındaǵı xalqımızdıń dem alıw ornı (alleya) nıń qurılıs jumısların kózden ótkerip, tiyisli taraw basshılarınan maǵlıwmatlar aldı.
Maǵlıwmat ushın 1-sanlı mektep qaptalınan qurılǵan jasıl qaplamalı sport maydanshanıń qurılıs-ońlaw jumıslarına, baslamalı byudjet qorı qarjıları esabınan 1 mlrd. 210 mln. swm muǵdarında qarjı ajıratılǵan bolsa, «Esim» MPJ aymaǵındaǵı «Gulzar» kóshesi boyındaǵı xalqımızdıń dem alıw ornı (alleya) nıń qurılıs jumıslarına 1 mlrd 360 mln swm qarjı ajıratılıp qurılıs jumısları juwmaqlanıw aldında tur.
Media tur qatnasıwshıları bul qurılıs jumısları menen keńnen tanısıp jeterli maǵlıwmatlarǵa iye boldı.