Xalq deputatlari Olmazor tuman Kengashi deputati Feruza Salomova hamda Sog‘liqni saqlash vazirligi huzuridagi Sanitariya-epidemiologik osoyishtalik va jamoat salomatligi qo‘mitasi Olmazor tumani bo‘limi sanitariya-gigiyena laboratoriya xodimlari bilan hamkorlikda o‘zi saylangan okrug markazidagi savdo rastalarini ko‘zdan kechirdi. U tashrifi davomida meva-sabzavot mahsulotlari, konservalangan bankalar va boshqa oziq-ovqatlar sifatini o‘rgandi.

 Deputat F.Salomova savdogarlar bilan suhbatlashib, mahsulotlarning narxi, sifati hamda iste’molchilarga taqdim etilayotgan xizmat darajasi bilan qiziqdi. Shu bilan birga, sanitariya-gigiyena qoidalariga rioya etilishiga alohida e’tibor qaratildi.

 Bunday reydlar aholiga sifatli va xavfsiz poliz mahsulotlarini yetkazib berish, sog‘liq uchun xavf tug‘dirmaydigan maishiy xizmat muhitini yaratish maqsadida muhim ahamiyat kasb etadi. Tashrif yakunida deputat ayrim savdo nuqtalarida aniqlangan kamchiliklarni bartaraf etish bo‘yicha mutasaddi tashkilotlarga tegishli tavsiyalar berdi.