Konimex tumani 1-sonli umumta'lim maktabida birinchi qo‘ng‘iroqlar sadosi ostida yangi o‘quv yili boshlandi.

"Vatan uchun  millat uchun, xalq uchun" shiori ostida 2025-2026-yangi o‘quv yilining boshlanishi munosabati bilan o‘tkazilgan tadbirda халқ депутатлари туман Кенгаши раиси - tuman hokimi Ruslan Ro'ziyev ishtirok etdi.

Tadbir avvalida Davlat madhiyasi ijro etildi. So‘ngra tuman rahbari yangi o‘quv yili va "Bilimlar kuni" bilan o'quvchi yoshlarni, o‘qituvchilarni hamda tadbir ishtirokchilarini tabrikladi. Joriy yilda birinchi sinfga qabul qilingan o‘quvchi yoshlarga Prezident sovg‘alari jamlanmasi, kitoblar  topshirildi. Tadbir davomida o‘quvchi yoshlar ishtirokida kuy-musiqalar va chiqishlar ijro etildi.

"Bilimlar kuni" munosabati bilan o‘tkazilgan tadbirdan so‘ng tuman hokimi Ruslan Ro'ziyev o‘quvchilarga "Vatan uchun, millat uchun, xalq uchun" shiori ostidagi "Mustaqillik darsi"ni o‘tdi. 

Muhtaram Prezidentimiz tomonidan bugungi kunda mamlakatimizda yoshlar uchun yaratib berilgan imkoniyatlar, amalga oshirilayotgan islohotlar, shuningdek, Vatanni asrash, yurtimiz taraqqiyotiga hissa qo‘shib, munosib farzand bo‘lishlari kerakligi ta'kidlandi va o'quvchilar bilan muloqotlar qilindi.