Xalq deputatlari Chinoz tumani Kengashi kotibiytat mudiri Asqar Baxramov tomonidan Sutbuloq MFY hududidagi 34-sonli umumiy o‘rta ta’lim maktabi faoliyati o‘rganildi.

🔎 O‘rganish davomida maktabda ta’lim-tarbiya jarayonining tashkil etilishi, o‘quvchilarning darslarga qatnashishi, dars mashg‘ulotlarining belgilangan jadval asosida olib borilishi hamda o‘quvchilar uchun yaratilgan shart-sharoitlar ko‘rib chiqildi.

📚 Shuningdek, fan xonalari va sinf xonalarining jihozlanganligi, mavjud mebel va o‘quv jihozlari, kompyuter texnikalari hamda maktabning umumiy moddiy-texnik bazasi holatiga alohida e’tibor qaratildi.
👩‍🏫 O‘quvchilarning bilim va ko‘nikmalarini oshirish, darslarni sifatli tashkil etish, o‘zlashtirishi past o‘quvchilar bilan qo‘shimcha mashg‘ulotlarni yo‘lga qo‘yish hamda ta’lim samaradorligini oshirish masalalari yuzasidan ham fikr almashildi.
❄️ Kuz-qish mavsumiga tayyorgarlik holati ham atroflicha ko‘rib chiqildi. Jumladan, maktabning isitish tizimi, issiqlik tarmoqlari, deraza va eshiklarning holati hamda qish mavsumida o‘quvchilar uchun zarur haroratni ta’minlash imkoniyatlari o‘rganildi.
📌 O‘rganish yakunida maktabda ta’lim sifatini yanada oshirish, moddiy-texnik bazani mustahkamlash, mavjud kamchiliklarni bartaraf etish hamda kuz-qish mavsumini betalofat o‘tkazish bo‘yicha amalga oshirilishi lozim bo‘lgan vazifalar belgilab olindi.
✅ Aniqlangan masalalar yuzasidan mas’ullarga tegishli tavsiya va ko‘rsatmalar berilib, belgilangan vazifalar ijrosi deputatlik nazoratiga olindi.