Xalq deputatlari Qo‘qon shahar Kengashining 18-“Navro‘z” saylov okrugidan saylangan deputati R.Talipdjanov tomonidan “Toshkentlik go‘zari” mahalla fuqarolar yig‘inida joylashgan 3-sonli davlat maktabgacha ta’lim tashkiloti (DMTT)ning kuz-qish mavsumiga tayyorgarlik holati o‘rganildi.

O‘rganish davomida muassasaning isitish tizimi, qozonxonalarning mavsumga tayyorligi hamda ko‘mir zaxirasi bilan ta’minlanganlik holati ko‘zdan kechirildi. Shuningdek, sovuq kunlarda tarbiyalanuvchilar uchun qulay va xavfsiz sharoit yaratish maqsadida issiqlik ta’minotining qay darajada yo‘lga qo‘yilganiga e’tibor qaratildi.

Ma’lum bo‘lishicha, maktabgacha ta’lim tashkilotidagi mavjud qozonxonalar kuz-qish mavsumida foydalanish uchun shay holatga keltirilgan. Muassasa ehtiyoji uchun jami 58 tonna ko‘mir buyurtma qilingan bo‘lib, hozirgi kunga qadar uning 10 tonnasi yetkazib berilgan va zaxiraga jamg‘arilgan.

O‘rganishdan asosiy maqsad — sovuq mavsumda muassasada barqaror issiqlik ta’minotini yo‘lga qo‘yish, tarbiyalanuvchilar hamda xodimlar uchun munosib sharoit yaratish va kuz-qish mavsumiga tayyorgarlik jarayonini nаzorat qilishdan iborat.

Xalq deputatlari Qo‘qon shahar Kengashi