Xalq deputatlari Yunusobod tumani Kengashi deputati M.Murzametova tomonidan
246-maktabda yoshlar bilan ishlash, ularning bandligini ta’minlash hamda bo‘sh vaqtlarini mazmunli tashkil etish borasida amalga oshirilayotgan ishlar o‘rganildi.

✅O‘rganish jarayonida yoshlarning qiziqish va qobiliyatlarini rivojlantirish, ularni kasb-hunarga yo‘naltirish, zamonaviy bilim va ko‘nikmalarni egallashi uchun yaratilgan imkoniyatlar, shuningdek, sport, madaniyat, ta’lim va turli to‘garaklarga jalb etish orqali bo‘sh vaqtlarini mazmunli tashkil etish masalalariga alohida e’tibor qaratildi.

👥Yoshlar bilan muloqot davomida ularning taklif va tashabbuslari tinglanib, mavjud muammolarni aniqlash hamda ularni manzilli hal etish bo‘yicha tegishli choralar belgilandi. Ayniqsa, yoshlarni kelajak kasbiga to‘g‘ri yo‘naltirish, bandligini ta’minlash va ijtimoiy faolligini oshirish muhim vazifalardan biri ekani ta’kidlandi.

📝Mazkur ishlar, O‘zbekiston Respublikasining “Yoshlarga oid davlat siyosati to‘g‘risida”gi O‘RQ-406-son Qonuni talablari asosida amalga oshirilayotgan bo‘lib, unda yoshlarning huquq va manfaatlarini ta’minlash, ularning bandligi uchun shart-sharoit yaratish hamda har tomonlama rivojlanishini qo‘llab-quvvatlash davlat yoshlar siyosatining muhim yo‘nalishlari sifatida belgilangan.