Kuz-qish mavsumini betalafot o‘tkazish, ko‘p qavatli uylarda yashovchi aholiga qulay sharoit yaratish hamda isitish tizimlarining mavsumga tayyorgarligini ta’minlash masalalari yuzasidan o‘rganish ishlari olib borilmoqda.

🇺🇿Xalq deputatlari Yunusobod tumani Kengashi deputati
Yu. Ibragimov tomonidan ko‘p qavatli uylar domkomlari bilan uchrashuv va suhbat o‘tkazildi.

🏢Uchrashuv davomida hududdagi ko‘p qavatli uylarning kuz-qish mavsumiga tayyorgarlik holati, xonadonlarga issiqlik yetkazib berish, isitish quvurlari va ichki tizimlarning sozligi, tom qismi hamda yerto‘lalarning holati muhokama qilindi.

🔎Shuningdek, qaysi ko‘p qavatli uylarda isitish tizimi, quvurlar, tom qismi yoki boshqa kommunal muammolar mavjudligi bo‘yicha ma’lumotlar jamlanib, ularni mavsum boshlangunga qadar bartaraf etish zarurligi ta’kidlandi.

📍Deputat tomonidan domkomlarga aniqlangan muammolarni tizimli ravishda qayd etish, mas’ul tashkilotlarga yetkazish va ularning ijrosini nazorat qilish bo‘yicha tegishli tavsiyalar berildi.

✅Kuz-qish mavsumiga puxta tayyorgarlik ko‘rish — aholining farovonligi va xonadonlarda barqaror issiqlikni ta’minlashning muhim omilidir.