Jizzax shahridagi “Madaniyat" mahallasida mahalla yettiligining 2026 yil uchun yillik dasturi doirasida belgilangan vazifalar ijrosi hamda istiqboldagi rejalar yuzasidan aholi bilan ochiq muloqot bo‘lib o‘tdi. Uchrashuv davomida fuqarolar mahalla hayotiga oid muhim yo‘nalishlar bo‘yicha batafsil maʼlumotlarga ega bo‘lishdi. 

O‘tgan yil davomida mahallada bajarilgan ishlar sarhisob qilinib, ijtimoiy, infratuzilmaviy va bandlikka oid yo‘nalishlardagi natijalar bo‘yicha axborot berildi.

Ushbu yig‘ilishda Xalq deputatlari Jizzax shahar Kengashi 8-“Madaniyat” saylov okrugidan saylangan deputat Sh.Murodova ham ishtirok etib yig‘ilish ishtirokchilariga 2026 yil - “Mahallani rivojlantirish va jamiyatni yuksaltirish yili”da belgilangan ustuvor vazifalar yuzasidan o‘z fikr va mulohazalarini bildirib o‘tdi.