Maʼlumki, deputatlarning muhim vazifalaridan biri – qabul qilinayotgan qonun hujjatlarining mazmun-mohiyatini keng jamoatchilikka yetkazish, ularning ijrosini nazorat qilish hamda joylarda samarali amalga oshirilishiga ko‘maklashishdan iborat. Shu bois joylarda qonunchilik targ‘ibotini kuchaytirish, aholining huquqiy savodxonligini oshirish va davlat organlari faoliyatida ochiqlik hamda shaffoflikni taʼminlash muhim ahamiyat kasb etadi.

Ana shu maqsadda o‘tkazilgan uchrashuvda qonunning asosiy maqsadi, ustuvor yo‘nalishlari va amaliy ahamiyati atroflicha yoritib berildi.

Xalq deputatlari Ishtixon tuman Kengashining Korrupsiyaga qarshi kurashish va xavfsizlik masalalari bo‘yicha doimiy komissiyasi raisi M.Raximov hamda Xalq deputatlari Ishtixon tuman Kengashi kotibiyati mudiri N.Kiyamov va hudud deputati J.Rasulov tomonidan Azamat mahallasida joylashgan 9-son poliklinika jamoasi ishtirokida “Korrupsiyaga qarshi kurashish to‘g‘risida”gi (O‘RQ-419-son, 03.01.2017) Qonun mazmun-mohiyatiga bag‘ishlangan targ‘ibot tadbiri o‘tkazildi.

Tadbir davomida poliklinika rahbariyati hamda tibbiyot xodimlari ishtirokida mazkur qonunning asosiy normalari, korrupsion holatlarning oldini olish, manfaatlar to‘qnashuvini bartaraf etish, xizmat faoliyatida halollik va masʼuliyat tamoyillariga rioya qilish masalalari yuzasidan tushuntirishlar berildi.

Shuningdek, davlat va tibbiyot muassasalarida korrupsiyaga qarshi kurashish bo‘yicha amalga oshirilayotgan islohotlar, ochiqlik va shaffoflikni taʼminlash, fuqarolarga sifatli xizmat ko‘rsatishni kuchaytirish bo‘yicha fikr-mulohazalar bildirildi.

Mazkur targ‘ibot tadbiridan ko‘zlangan asosiy maqsad – muassasa xodimlarini korrupsiyaga qarshi kurashishga faol jalb etish, ularning huquqiy ongi va madaniyatini oshirish, jamiyatda qonuniylik va adolat tamoyillarini yanada mustahkamlashdan iboratdir.