Бүгин халық депутатлары Шымбай районлық Кеңесиндеги Өзбекстан ХДП депутатлык топары басшысы О.Толыбеков «Темир жол гүзары» МПЖ аймағына барып, белсене нураныйлер атахан ҳәм анаханлар менен ушырасты.

Ушырасыўда «Темир жол гүзары» мәкан пуқаралар жыйыны хызметкерлери ҳәм белсенди нураныйлер қатнасты.

Илаж даўамында шығып сөйлеўшилер шаңарақты беккемлеў ҳәм ажырымлардың алдын алыў бойынша усыныс ҳәм пикирлерин билдирип, мәҳәлледе буннан былайда мәпдар шөлкемлер менен биргеликте «Темир жол гүзары» макан пуқаралар жыйыны имаратында жас шаңарақ ийелерин оқытыў, натыныш шаңарақлар менен ислесиў, репродуктив саламатлық бойынша оқыўлар шөлкемлестириў керек екенлиги айтип өтилди.

Илаж соңында ажырым жағасына келип қалған бир қатар шаңарақлар жарастырылып, оларға депутат О.Толыбеков тәрепинен шаңарақты беккембеў бойынша мәслаҳатлер берилди.

Slide 1 of 3