Bahor oyida tumanimizda bog‘dorchilikka oid obodonlashtirish ishlari jadal olib borilmoqda. Ayni kunlarda tuman aholisi va ko‘ngillilar hamda deputatlar ishtirokida uzumzorlarni parvarishlash ishlari davom etmoqda.

Xususan, uzum taglarini yovvoyi o‘tlar va begona o‘simliklardan tozalash ishlari amalga oshirilmoqda. Bu ishlar nafaqat uzumning sog‘lom o‘sishini ta’minlaydi, balki hosildorlikka ham ijobiy ta’sir ko‘rsatadi. Shuningdek, ko‘karmagan, qurib qolgan ko‘chatlar aniqlanib, ularning o‘rniga yangi, sifatli ko‘chatlar ekilmoqda.

Bu jarayonlarda mahalla faollari, tuman Kengashi deputatlari, bog‘bonlar, yoshlar va boshqa fuqarolar faol qatnashib, mahallaning yanada ko‘rkam va obod bo‘lishiga hissa qo‘shishmoqda. Ishlarning muvofiqlashtirilganligi, jamoaviy mehnat ruhi natijasida qisqa vaqt ichida katta hududda tozalash va yangilash ishlari bajarildi.