⚡️Xalq deputatlari Chinoz tumani Kengashi deputati Olimjon Dadajonov saylangan okrugidagi “ Nafis”, “Rasulobod” hamda "Oydin" mahallalarida yashovchi saylovchilar bilan uchrashuv o‘tkazdi.

⚡️Mazkur uchrashuvda “Nafis”, “Rasulobod” va "Oydin" mahalla fuqarolar yig‘inlari raislari va a’zolari, O‘zLiDeP tuman Kengashi apparati rahbari F.Tojiqulov hamda mutasaddi tashkilot rahbarlari ishtirok etdilar.

⚡️Tadbir davomida deputat tomonidan 2025-yilning birinchi choragida amalga oshirilgan ishlar yuzasidan keng qamrovli axborot berildi. Jumladan, mahallalarda ijtimoiy-iqtisodiy sharoitlarni yaxshilash, obodonlashtirish, aholining turmush tarzini yengillashtirishga qaratilgan chora-tadbirlar, shuningdek, saylovchilardan tushgan murojaat va takliflarni o‘rganish va hal etish yo‘lida olib borilgan ishlar haqida batafsil ma’lumotlar taqdim etildi.

⚡️Uchrashuv jarayonida aholining dolzarb masalalari, taklif va mulohazalari tinglanib, muammolarni joyida o‘rganish va hal etish uchun mas’ul tashkilotlar vakillariga tegishli ko‘rsatmalar berildi.

⚡️Deputat Olimjon Dadajonov ushbu kabi ochiq muloqotlar saylovchilarning fikrini o‘rganish va ularning ehtiyojlariga asoslangan samarali qarorlar qabul qilishda muhim o‘rin tutishini ta’kidladi.