Бүгинги күнде сайлаўшылар менен турақлы пикирлесиў, оларды ойландырып атырған мәселелерди шешиў депутатлардың сайлаў округлериндеги жумысының тийкарғы бағдарына айланды.

Атап айтқанда, 4-Ташкент сайлов округинен Халық депутатлары Шоманай районлық Кеңеси депутаты, ӨзХДП депутатлық топары басшысы Махмуд Есенгелдиев халық пенен пикирлесиў, орынлардағы бар машқалаларды мәҳәлле кесиминде үйрениў мақсетинде райондағы 25-санлы мектеп имаратында сайлаўшылар менен ушырасты.

«Бегжап» АПЖ баслығы А.Юсупов, 25-санлы улыўма билим бериў мектеби педагог хызметкерлери ҳәм аймақ турғынлары қатнасқан ушырасыўда депутаттың 2025-жылдың I-шереги даўамындағы искерлиги бойынша есабаты тыңланды.

Ушырасыўда пуқаралардан бәнтлик, коммунал хожалығы ҳәм социаллық мәселелер бойынша мүрәжатлар болды, депутат тәрепинен мүрәжатлардың шешими бойынша ўазыйпалар белгилеп алынды. Сайлаўшылар депутат М.Есенгелдиевтиң есабатын мақуллады.

Slide 1 of 4