Xalq deputatlari Bo‘stonliq tumani Kengashining 2026-yilga mo‘ljallangan Ish rejasiga muvofiq O‘zbekiston Liberal-demokratik partiyasidan saylangan deputat M.Mirabdullayev tomonidan tumanning “Besh-tut” va “Chinor” mahallariga biriktirilgan soliq inspektori O.Jumanov faoliyati o‘rganilib, aholiga ko‘rsatilayotgan xizmatlar sifati, tadbirkorlik subyektlari bilan hamkorlik hamda soliq qonunchiligi ijrosini ta’minlash bo‘yicha amalga oshirilayotgan ishlar tahlil qilindi.

🔺O‘rganish jarayonida soliq inspektori bilan muloqot o‘tkazilib, mahallada o‘zini o‘zi band qilgan fuqarolarni rasmiylashtirish, tadbirkorlik faoliyatini qonuniy yo‘lga qo‘yish, soliq imtiyozlari va yengilliklari bo‘yicha aholiga tushuntirish ishlari, shuningdek, soliq madaniyatini oshirishga qaratilgan targ‘ibot tadbirlari haqida ma’lumotlar tinglandi.

🔺Shuningdek, mahallada faoliyat yuritayotgan kichik biznes va xususiy tadbirkorlik subyektlarining qonuniy faoliyat yuritishi, yangi ish o‘rinlari yaratishga ko‘maklashish, soliq qarzdorligini qisqartirish hamda byudjet tushumlarini barqaror ta’minlash borasida olib borilayotgan ishlar yuzasidan fikr almashildi.

🔺Deputat tomonidan aholi va tadbirkorlar murojaatlariga tezkor munosabat bildirish, soliq sohasidagi davlat xizmatlaridan foydalanishda amaliy yordam ko‘rsatish, raqamli xizmatlar imkoniyatlarini keng targ‘ib qilish hamda profilaktik tushuntirish ishlarini yanada kuchaytirish yuzasidan taklif va tavsiyalar berildi.