O‘zbekiston Respublikasining “Jismoniy va yuridik shaxslarning murojaatlari to‘g‘risida”gi Qonuni talablariga muvofiq Xalq deputatlari Bo‘stonliq tumani Kengashi raisi O.Babayev, deputat M.Ashurov tomonlaridan tumanning “Ma’rifat” mahallasidagi fuqarolarning uy-joy bilan bog‘liq murojaati atroflicha o‘rganilib, mavjud ziddiyatli holatni qonuniy tartibda hal etish bo‘yicha amaliy ishlar olib borildi.

🔺O‘rganishlar jarayonida mahalla raisi, nuroniylar va faollar ishtirok etib tomonlarning fikr va vajlari tinglandi, uy-joyning huquqiy holatiga doir mavjud hujjatlar tahlil qilindi. Masalani qonun talablari asosida hal etish, fuqarolarning huquq va qonuniy manfaatlarini ta’minlashga alohida e’tibor qaratildi.

🔺Olib borilgan muloqotlar va huquqiy tushuntirishlar natijasida ziddiyatli vaziyat bartaraf etilib, masalani amaldagi qonunchilik talablari asosida hal etish bo‘yicha kelishuvga erishildi. Shu bilan birga, uy-joyning huquqiy maqomini belgilangan tartibda rasmiylashtirish yuzasidan mas’ul tashkilotlarga tegishli topshiriqlar berilishi belgilandi.