🇺🇿 O‘zbekiston Respublikasining “Yoshlarga oid davlat siyosati to‘g‘risida”gi Qonuni (O‘RQ–406) ijrosini ta’minlash maqsadida Xalq deputatlari Xorazm viloyati va Shovot tumani Kengashlari deputati E.Dushamov, Xalq deputatlari Shovot tumani Kengashi kotibiyati mudiri I.Masharipov hamda kotibiyat xodimi U.Ruzmetov ishtirokida deputatning saylov okrugi — Mevazor mahallasida yoshlar yetakchisi S.Matyusupov faoliyati joyiga chiqib o‘rganildi.
📋 O‘rganish davomida yoshlar yetakchisi tomonidan joriy yilning bugungi kuniga qadar yoshlar bandligini ta’minlash, ularni kasb-hunarga yo‘naltirish hamda tadbirkorlikni rivojlantirish borasida amalga oshirilgan ishlar yuzasidan hisobot tinglandi.
✅ Amalga oshirilgan ishlar natijasida:
🎓 16 nafar ishsiz yosh bilan manzilli ishlash yo‘lga qo‘yilgan;
📚 9 nafari kasb-hunarga o‘qitilgan;
💼 3 nafari doimiy ish bilan ta’minlangan;
✈️ 2 nafari yuqori daromadli ish o‘rinlariga mehnat migratsiyasiga yuborilgan;
💳 O‘zbekiston Respublikasi Prezidentining PQ–62-son qarori asosida 1 nafar yoshga 60 million so‘m miqdorida imtiyozli kredit ajratilib, tadbirkorlik faoliyatini boshlashi uchun amaliy ko‘mak berilgan;
🚀 PQ–60-son qarori asosida esa 2 nafar yoshga jami 100 million so‘m miqdorida imtiyozli kredit ajratilgan.
🔎 O‘rganish jarayonida yoshlar bilan ishlash tizimining samaradorligi, ularning bandligini ta’minlash, kasb-hunarga o‘qitish, tadbirkorlikka keng jalb etish hamda davlat dasturlarining ijrosi atroflicha tahlil qilindi. Shuningdek, mavjud imkoniyatlardan yanada samarali foydalanish, yoshlarning tashabbuslarini qo‘llab-quvvatlash va belgilangan ko‘rsatkichlarni oshirish yuzasidan tegishli tavsiya hamda takliflar berildi.
🤝 Yoshlar manfaatlarini ta’minlash, ularning bandligini oshirish va davlat dasturlari ijrosi ustidan samarali deputatlik nazoratini amalga oshirish borasidagi o‘rganishlar tizimli ravishda davom ettiriladi.