🏛 Xalq deputatlari Xorazm viloyati va Shovot tumani Kengashlari deputati E. Dushamov, Xalq deputatlari Shovot tumani Kengashi kotibiyati mudiri I.Masharipov hamda kotibiyat xodimi U.Ruzmetov ishtirokida deputatning saylov okrugi — Mevazor mahallasida O‘zbekiston Respublikasi Prezidentining 2026-yil 30-yanvardagi PQ–49-son qarori (“2026-yilda hududlarni yangicha yondashuvlar asosida rivojlantirish orqali aholi daromadini oshirish, barqaror ish o‘rinlarini yaratish hamda kambag‘allikni qisqartirish chora-tadbirlari to‘g‘risida”) ijrosi yuzasidan hokim yordamchisi faoliyati o‘rganildi.
📋 O‘rganish davomida mahalla hokim yordamchisi A. Sotimov tomonidan amalga oshirilgan ishlar yuzasidan quyidagi ma’lumotlar taqdim etildi:
✅ 6 ta yakka tartibdagi tadbirkorlik subyekti tashkil etilgan;
👨‍💼 12 ta yangi ish o‘rni yaratilgan;
🤝 2 nafar fuqaroning bandligi ta’minlanib, kambag‘allik reyestridan chiqarilishiga erishilgan;
💳 Tikuvchilik, qishloq xo‘jaligi, xizmat ko‘rsatish va chorvachilik yo‘nalishlari bo‘yicha jami 349 million so‘m miqdorida imtiyozli kreditlar ajratilgan.
🔎 O‘rganish jarayonida davlat dasturi doirasida amalga oshirilayotgan ishlar, aholi bandligini ta’minlash, tadbirkorlikni qo‘llab-quvvatlash hamda kambag‘allikni qisqartirish bo‘yicha erishilgan natijalar tahlil qilindi. Shuningdek, mavjud imkoniyatlardan yanada samarali foydalanish va ko‘rsatkichlarni oshirish yuzasidan tegishli tavsiyalar berildi.
🤝 Deputatlar tomonidan joylarda davlat dasturlari ijrosi ustidan deputatlik nazoratini kuchaytirish hamda aholi manfaatlariga xizmat qiluvchi islohotlarning samaradorligini oshirish borasidagi o‘rganishlar izchil davom ettiriladi.