Xalq deputatlari tuman Kengashi deputati B.Sadikova tomonidan “Ta’lim to‘g‘risida”gi Qonun ijrosini o‘rganish maqsadida tumandagi 35-maktab o‘rganildi. O‘rganishda bir qancha muammo aniqlandi. 

 Maktabda o‘quvchi soni ko‘pligi sinfxonalar yetishmasligii, ayrim darslarni sifatli va qulay sharoitda tashkil etishga qiyinchilik tug‘dirayotganligi, maktabda sport zali yo'qligi, jismoniy tarbiya mashg‘ulotlarini to‘liq va samarali tashkil etish imkoni yo'qligi aniqlandi. 

 Mazkur holatlar “Ta’lim to‘g‘risida”gi Qonunning 4-moddasi – ta’lim sohasidagi davlat siyosatining asosiy prinsiplari, xususan, ta’lim olish uchun teng va munosib shart-sharoitlar yaratish talablari to‘liq ta’minlanmayotganini ko‘rsatadi. 

 Aniqlangan muammolar yuzasidan, ya'ni maktabda sinfxonalar barpo etish, sport zali qurish bo‘yicha choralar ko‘rish uchun ma'sullarga so'rov chiqarish rejalashtirildi.