Xalıq deputatları Bozataw rayonlıq Keńesine, Ózbekstan Liberal-demokratiyalıq partiyasınan saylanǵan deputat Jumanazarova Gulperiza Genjebaevna deputatlıq soraw jolladı.

Rayonımızda puqaralardıń turmıs sharayatların jaqsılaw maqsetinde, kommunallıq xızmetler hám infrastruktura máselelerin bunnan bılay da jetilistiriw maqsetinde tiyisli shólkemlerge deputatlıq soraw jiberdi.

“Qaqaqalpaq suw támiynatı” Akcinerlik jámiyeti Bozataw rayonı filialı baslıǵı M.Baltabaevqa jiberilgen deputatlıq sorawında deputat:

Xiywa awılındaǵı jer astı suwın dushshılandırıp beriwshi stanciyasındaǵı suw shıǵarıwshı nasos agregatınıń isten shıǵıwına baylanıslı búgingi kúnde aymaq turǵınları ishimlik suwı mashqala bolıp atırǵanlıǵın, Bul boyınsha suw shıǵarıwshı nasos jaqın kúnler ishinde ońlanıp, puqaralarǵa taza ishimlik suwın jetkerip beriwde, ámelge asırılǵan jumısları boyınsha tolıq maǵlıwmat beriliwin soralǵan.

Esletpe: Hákimshilik juwapkershilik haqqındaǵı Kodekstiń 193-statyasına muwapıq, deputat sorawın kórip shıqpastan qaldırıw yaki olardı kórip shıǵıw múddetin sebepsiz buzıw yamasa olar boyınsha bile turıp natuwrı maǵlıwmatlardı usınıw bazalıq esaplaw muǵdarınıń 3 esesinen 7 esesine shekem járiyma salıwǵa sebep bolıwı múmkin.