Xalq deputatlari Amudaryo tuman Kengashi deputati Shermanov Baxram Tolibayevich aholining o‘z tomorqasida ko‘proq mahsulot yetishtirishini ta’minlash, oziq-ovqat xavfsizligini mustahkamlash va oilaviy daromadni oshirish maqsadida tegishli tashkilotga deputatlik so‘rovini yo‘lladi.

     📌Amudaryo tumani Suv yetkazib berish xizmati davlat muassasasi direktori B.Davekovga yo‘llangan deputatlik so‘rovida deputat:

     1️⃣Amudaryo tumani O‘zbekiston mahalla fuqarolar yig‘ini saylovchilari bilan deputatlik uchrashuv davomida aholini qiynab kelayotgan bir qator muammolar aniqlanganligini;

     2️⃣Muloqot davomida O‘zbekiston mahalla fuqarolar yig‘ini hududidagi 365 ta xonadon tomorqasiga oqar suv yaxshi yetib bormayotgani, natijada tomorqadan hosil olish va daromadini oshirish imkoni cheklangani yuzasidan fuqarolar tomonidan murojaatlar bildirilganligini ma’lum qildi. 

     📌Ushbu murojaatlarni inobatga olib:

     1️⃣Aholi tomorqasiga oqar suv yaxshi yetib borishini ta`minlash orqali fuqarolarning muammosini ijobiy hal etishni;

     2️⃣Xalq deputatlari viloyat, tuman va shahar Kengashi deputati maqomi to‘g‘risida”gi O‘zbekiston Respublikasi Qonunining 8-moddasiga muvofiq saylovchilarga axborot berish uchun, ushbu masala bo‘yicha asoslantirilgan tushuntirish berish yoki o‘z nuqtai nazarini bayon qilishni so‘radi.

     ♻️Deputat B. Shermanov mazkur so‘rovi orqali o‘z saylovchilari manfaatlarini himoya qiladi, aholining oziq-ovqat ta’minoti yaxshilanadi, aholining daromadi hamda tomorqalardan samarali foydalanish darajasi oshadi.