Yettinchi chaqiriq Xalq deputatlari Chinoz tumani Kengashining navbatdan tashqari yigirma uchinchi sessiyasi bo‘lib o‘tdi. 

Sessiyaga Xalq deputatlari Chinoz tumani Kengashi raisi Salixov Sherzod Abduxakimovich raislik qildi.

Sessiya ishida Xalq deputatlari tuman Kengashiga saylangan deputatlar, tuman hokimining o‘rinbosarlari, Xalq deputatlari Chinoz tumani Kengashi kotibiyati xodimlari, shuningdek, tumandagi tegishli bo‘lim va tashkilotlar rahbarlari hamda ommaviy axborot vositalari vakillari ishtirok etdilar.

Yig‘ilish kun tartibiga muvofiq, Chinoz tumanining 2026-yilga mo‘ljallangan mahalliy byudjetini tasdiqlash masalasi ko‘rib chiqildi. Mazkur masala yuzasidan tegishli ma’ruzalar tinglanib, deputatlar tomonidan bildirilgan taklif va mulohazalar muhokama qilindi.

Shuningdek, sessiya davomida Xalq deputatlari Chinoz tumani Kengashi raisini saylash masalasi ham ko‘rib chiqilib, Turdiboyev Abduvohid To‘xtaboyevich Xalq deputatlari Chinoz tumani Kengashi raisi etib saylandi.