Joriy yilning 29-oktabr kuni Yangiobod tumanida Xalq deputatlari tuman Kengashining yettinchi chaqiriq o‘n uchinchi sessiyasi bo‘lib o‘tdi. Sessiyada tuman ijtimoiy-iqtisodiy hayotiga oid bir qator dolzarb masalalar muhokama qilindi. 

 Majlisda Kengash deputatlari, tuman hokimligi mas’ullari, tashkilot va muassasalar rahbarlari ishtirok etishdi. Sessiya davomida amalga oshirilayotgan islohotlar samaradorligini oshirish, aholi farovonligini ta’minlash, infratuzilma va obodonlashtirish yo‘nalishlarida olib borilayotgan ishlar yuzasidan fikr-mulohazalar bildirildi. 

 Tadbir jarayonida deputatlar tomonidan kun tartibigakiritilgan masalalar atroflicha muhokama qilinib, tegishli qarorlar qabul qilindi. 

Mazkur sessiya Yangiobod tumanining yanada rivojlanishi, mahalliy boshqaruv tizimi faoliyatini
takomillashtirish yo‘lidagi muhim qadamlardan biri bo‘ldi.