Bank xizmatlari sifati va qonun ijrosi o‘rganildi

Xalq deputatlari tuman Kengashi deputati K.Umirov o‘ziga biriktirilgan O‘zbekiston Respublikasining “Banklar va bank faoliyati to‘g‘risida”gi Qonuni ijrosini o‘rganish bo‘yicha tayyorlangan savolnoma asosida tuman Kengashi deputati E.Hamroyev hamda tuman Kengashi kotibiyati bosh mutaxassisi A.Mamarajabov bilan birgalikda tumandagi Mikrokreditbank filialida bo‘ldi.

O‘rganish davomida bank tomonidan aholi, tadbirkorlik subyektlari hamda xotin-qizlarni moliyaviy qo‘llab-quvvatlash borasida amalga oshirilayotgan ishlar, kredit ajratish amaliyoti, bank xizmatlarining sifati va qulayligi hamda qonun talablarining amaliy ijrosi yuzasidan mas’ullarning axborotlari tinglandi.

Shuningdek, fuqarolar va tadbirkorlarning kredit mablag‘laridan foydalanish imkoniyatlarini kengaytirish, bank xizmatlaridan foydalanishda yuzaga kelayotgan muammolar hamda ularni bartaraf etish masalalari muhokama qilindi.

O‘rganish yakunlari bo‘yicha deputatlar tomonidan qonun ijrosi holati yuzasidan tegishli tavsiyalar bildirilib, aholiga ko‘rsatilayotgan bank xizmatlari samaradorligini oshirish, murojaatlar bilan ishlash tizimini yanada takomillashtirish hamda kredit ajratish jarayonlarining ochiqligini ta’minlash bo‘yicha takliflar ilgari surildi.

Qiziriq tumani Kengashi Axborot xizmati 
Rasmiy sahifalarimiz👇
Telegram | Facebook | E-kengash |Instagram