Maktab qurilishi jarayoni o‘rganildi

Xalq deputatlari Qiziltepa tuman Kengashi raisi U. Bobojonov Paxtaobod mahallasida barpo etilayotgan 420 o‘rinli 30-son umumta’lim maktabi binosi qurilishi jarayoni bilan yaqindan tanishdi.

Tashrif davomida obyekt hududida olib borilayotgan qurilish-montaj ishlarining borishi, loyiha asosida bajarilayotgan ishlar sifati hamda qurilishda foydalanilayotgan materiallarning mustahkamligi va talablarga muvofiqligi ko‘zdan kechirildi.

Shuningdek, mas’ullar bilan suhbat davomida qurilish ishlarini belgilangan muddatlarda yakunlash, sifat ko‘rsatkichlariga alohida e’tibor qaratish hamda obyektni o‘z vaqtida foydalanishga topshirish masalalari muhokama qilindi.

Qurilish jarayonini doimiy nazoratda ushlab turish, barcha ishlarni amaldagi me’yor va talablarga muvofiq tarzda sifatli amalga oshirish yuzasidan tegishli tavsiyalar va topshiriqlar berildi.