️Tadbirda Katta Olmazor mahallasi raisi Umarov A., Beshyog‘och mahallasi raisi Kambarov A, O‘zbekiston Ekologik partiyasi tuman kengashi raisi Tursunova M, mahalla faollari, jamoatchilik va yoshlar ishtirok etdi.

️Uchrashuv davomida xalq deputatlari Chilonzor tuman Kengashi deputati Fayzullayeva Malika Yarkunovna 2025 yilning 4-choragi davomida amalga oshirilgan ishlar yuzasidan saylovchilarga batafsil axborot berdi.

️Hisobotda, avvalo, aholi murojaatlari bilan ishlash tizimiga alohida to‘xtalib o‘tildi. Qayd etilganidek, chorak davomida fuqarolardan kelib tushgan murojaatlar tahlil qilinib, ularning aksariyati ijobiy hal etildi, ayrim muammolar yuzasidan tegishli tashkilotlarga deputatlik so‘rovlari kiritildi va nazoratga olindi.

Shuningdek, hududda obodonlashtirish ishlarini jadallashtirish, ichki yo‘llarni ta’mirlash, ko‘cha yoritgichlarini yangilash, atrof-muhitni muhofaza qilish, yashil hududlarni kengaytirish borasida amalga oshirilgan ishlar haqida ma’lumot berildi. Ijtimoiy himoyaga muhtoj oilalarni qo‘llab-quvvatlash, yoshlar bandligini ta’minlash va xotin-qizlar tadbirkorligini rivojlantirish masalalari ham deputat faoliyatining ustuvor yo‘nalishlaridan biri sifatida qayd etildi.

Tadbir davomida ishtirokchilar o‘zlarini qiziqtirgan savollarga javob oldilar, mavjud muammolar yuzasidan taklif va mulohazalar bildirdilar. Barcha masalalar yuzasidan tegishli choralar ko‘rish va mas’ul idoralar bilan hamkorlikda ishlash yuzasidan kelishib olindi.

Uchrashuv yakunida deputat Fayzullaeva Malika Yarkunovna saylovchilar bildirgan ishonch va qo‘llab-quvvatlov uchun minnatdorlik bildirib, kelgusida ham hududni ijtimoiy-iqtisodiy rivojlantirish, aholi farovonligini oshirish yo‘lida izchil ish olib borishini ta’kidladi.

Mazkur ochiq muloqot aholi bilan doimiy aloqa o‘rnatish, fuqarolarning fikr va takliflarini inobatga olgan holda samarali qarorlar qabul qilishda muhim ahamiyat kasb etdi.