Xalq deputatlari Chilolnzor tuman Kengashi deputati Maxmudova Donoxon Artikovnaga Navbahor 3-tor ko‘chasi 85-, 87- va 158-sonli ko‘p qavatli uylar hududida joylashgan bolalar maydonchalarining holati yuzasidan fuqarolar tomonidan murojaatlar kelib tushdi.

Mazkur murojaatlar asosida okrug deputati tomonidan joyiga chiqib o‘rganish ishlari olib borildi. O‘rganish jarayonida bolalar maydonchalari ta’mirtalab holatga kelib qolgani, o‘yin jihozlari eskirgani hamda ayrim konstruksiyalar xavfsizlik talablariga to‘liq javob bermasligi aniqlandi. Shuningdek, hudud obodonlashtirish va zamonaviylashtirish ishlariga muhtoj ekani qayd etildi.

Aniqlangan kamchiliklarni bartaraf etish hamda aholi, ayniqsa yosh bolalar uchun xavfsiz va qulay sharoitlar yaratish maqsadida okrug deputati tomonidan belgilangan tartibda tegishli mas’ul tashkilotlarga deputat so‘rovi yuborildi.

Deputat so‘roviga muvofiq quyidagi masalalarni ko‘rib chiqish so‘ralgan:

bolalar maydonchalarini kapital ta’mirlash yoki rekonstruksiya qilish;

xavfsizlik talablariga javob beradigan zamonaviy o‘yin jihozlari bilan jihozlash;

hududda kompleks obodonlashtirish ishlarini amalga oshirish.

Mazkur masala deputat nazoratiga olingan.