Barchamizga ma’lumki fuqarolarimizda, ayniqsa yosh avlod vakillari hisoblangan o‘quvchi va talaba yoshlarda ona yurtga sadoqat, vatan ramzlariga bo‘lgan hurmatini yanada oshirish shuningdek, vatanparvarlik xissini yangi bosqichga olib chiqish maqsadida davlatimiz ramzi hisoblangan bayroqlarimizni barchaga ko‘rinib turadigan shaklda hamda davlat idoralari, tashkilot, massasalar, aholi xonadonlari hamda umumiy ovqatlanish binolariga o‘rnatib chiqish tavsiya etilgan.

Musaffo va sokin osmon uzra esayotgan mayin shamolda har qanday odamni ko‘zini quvnatadigan shaklda esayotgan mustaqil yurtimizning bayrog‘i yuqorida berilgan tavsiyaning to‘g‘ri tanlanganligidan dalolat beradi.

Biroq shahrimiz hududida joylashgan ayrim bino va xonadonlardagi bayroqlar vaqt o‘tishi bilan eskirib yaroqsiz holga kelib qolganligini kuzatishimiz mumkin. Shu o‘rinda O‘zbekiston Respublikasi Konstitutsiyasining 5 moddasida aynan davlat ramzlariga alohida urg‘u berilib, davlat ramzlari davlat himoyasida ekanligi ta’kidlanganligini inobatga olib, xalq deputatlari Urganch shahar Kengashi deputatlari tomonidan shahrimiz hududida joylashtirilgan davlatimiz ramzlarini kuzatish va eskirganlarini yangisiga almashtirish bo‘yicha ko‘rsatma va tavsiyalar berilib, masala joyida bartaraf etilmoqda.