Xalq deputatlari Kattaqo‘rg‘on shahar Kengashi 13-Konchi saylov okrugi deputati Urunov Baxtiyor Nuriddinovich tomonidan Ingichka shaharchasi faollari hamda mahalla raisi bilan birgalikda hududdagi mavjud muammolar, aholini qiynayotgan masalalar, taklif va murojaatlar o‘rganildi.

O‘rganish davomida fuqarolar tomonidan yo‘l infratuzilmasi, obodonlashtirish, kommunal xizmatlar hamda ijtimoiy masalalar yuzasidan bildirilgan murojaatlar tinglanib, ularni bosqichma-bosqich hal etish yuzasidan tegishli takliflar shakllantirildi.

Deputat tomonidan aholi bilan ochiq muloqot qilish, ularning fikr va takliflarini o‘rganish hamda mavjud muammolarga yechim topish ustuvor vazifa ekanligi ta’kidlandi.