Ózbekstan Xalıq-demokratiyalıq partiyası Bozataw rayonlıq Keńesi hám Xalıq deputatları rayonlıq Keńesi deputatı G.Yusupova, sonday-aq tiyisli taraw wákilleri menen birgelikte Bozataw rayonı «Bozataw» PPJ aymaǵında jaylasqan 1-sanlı mámleketlik mektepke shekemgi bilimlendiriw shólkeminde gezektegi úyreniw jumısların alıp bardı.

Úyreniwdiń tiykarǵı maqseti – balalarǵa berilip atırǵan bilim hám tárbiya sapasın úyreniw, olardıń qáwipsiz hám qolay ortalıqta tárbiyalanıwı ushın jaratılǵan sharayatlardı kózden ótkeriwden ibarat boldı.

Úyreniw dawamında shólkemde sanitariyalıq-gigienalıq talaplarǵa ámel etiliwi, xanalar taza saqlanıwı, órt qáwipsizligi qaǵıydalarınıń orınlanıwı, elektr úskenelerinen qáwipsiz paydalanıw jaǵdayları hám balalardıń qáwipsizligin támiyinlewge qaratılǵan ilajlar keń túrde úyrenildi.

Sonday-aq, tárbiyalanıwshılar ushın jaratılǵan sharayatlar, oqıw-tárbiya processiniń shólkemlestiriliwi, oyın hám dem alıw xanalarınıń jaǵdayı, azıq-awqat ónimlerin saqlaw, tayarlaw hám balalarǵa usınıw processleri kózden ótkerildi. Balalardıń salamatlıǵın saqlaw, sapalı tamaqlanıwın támiyinlew hám olardıń hár tárepleme rawajlanıwına qaratılǵan jumıslardıń alıp barılıwına ayrıqsha itibar qaratıldı.

Úyreniw juwmaǵında shólkem jumısın jáne de kúsheytiw, bar kemshiliklerdi waqtında saplastırıw, bilimlendiriw hám tárbiya beriw sapasın arttırıw, sonday-aq qáwipsizlik talapların ámel qılıw boyınsha tiyisli usınıslar berildi.