Xalq deputatlari Ishtixon tumani Kengashi deputati F.Abdurazzaqov tomonidan 16-Zarband saylov okrugiga qarashli Beshbola mahallasida mahalla raisi faoliyati hamda “mahalla yettiligi”ning o‘zaro hamkorligi o‘rganildi.

🔎 O‘rganish jarayonida mahalla raisi va mahalladagi mas’ullarning aholi bilan ishlashi, mavjud muammolarni aniqlash va ularni hal etishdagi faoliyati, davlat organlari bilan hamkorligi hamda mahallani rivojlantirish borasidagi ishlariga e’tibor qaratildi.

📑 Mazkur yo‘nalishda mahalla raisi faoliyatini tizimli o‘rganish va baholashga mo‘ljallangan maxsus savolnomadan foydalanish masalalari ham ko‘rib chiqildi.

Savolnoma orqali:

🔹 “Obod mahalla”, “Obod ko‘cha”, “Obod xonadon” mezonlari ijrosi;

🔹 mahalladagi ijtimoiy-ma’naviy muhit;

🔹 davlat organlari bilan hamkorlik va aholi muammolarini hal etish;

🔹 “mahalla yettiligi” faoliyatining muvofiqlashtirilishi;

🔹 jamoatchilik nazorati va qonunchilik ijrosi kabi yo‘nalishlarni tizimli o‘rganish nazarda tutilgan.

📌 Mazkur tajriba mahalla faoliyatini aniq mezonlar asosida o‘rganish, mavjud muammolarni aniqlash va samarali ish usullarini ommalashtirishga xizmat qiladi.

“Ishtixon namunasi” — mahalla faoliyatini o‘rganishda tizimli yondashuv sari.

Bizni ijtimoiy tarmoqlarda kuzating:

Telegramm (https://t.me/Ishtixon_tuman_Kengashi) | Web-sayt (https://kengash.gov.uz/ishtixon) | Facebook (https://www.facebook.com/share/1Aq9YsjUr2/) | Instagram (https://www.instagram.com/ishtixontumanikengashi?utm_source=qr&igsh=ZDZ4YjJvd3k3aGp2)