Xalq deputatlari Ishtixon tumani Kengashi raisi Z.Naxalov tomonidan 25-Qayirma saylov okrugi hududidagi Qayirma mahallasida jinoyatchilikka qarshi kurashish va uning oldini olish borasida amalga oshirilayotgan ishlar o‘rganildi.

O‘rganish davomida hududdagi jinoyatchilik holati, jinoyatlarning oldini olish, huquqbuzarliklarni barvaqt aniqlash va bartaraf etish bo‘yicha mas’ul tashkilotlar tomonidan olib borilayotgan ishlar tahlil qilindi.

Shuningdek, jazoni ijro etish muassasalaridan qaytib kelgan fuqarolar bilan ishlash, ularni jamiyatga moslashtirish, bandligini ta’minlash hamda qayta jinoyat sodir etishining oldini olish masalalariga alohida e’tibor qaratildi.

Ushbu yo‘nalishdagi ishlarni yanada kuchaytirish, muammoli toifadagi fuqarolar bilan individual ishlash va hududda osoyishtalikni ta’minlash bo‘yicha tegishli vazifalar belgilab olindi.

Bizni ijtimoiy tarmoqlarda kuzating:

Telegramm (https://t.me/Ishtixon_tuman_Kengashi) | Web-sayt (https://kengash.gov.uz/ishtixon) | Facebook (https://www.facebook.com/share/1Aq9YsjUr2/) | Instagram (https://www.instagram.com/ishtixontumanikengashi?utm_source=qr&igsh=ZDZ4YjJvd3k3aGp2)