#Sesiyadan

Samarqand viloyat adliya boshqarmasi boshlig‘i S.Sattarov sessiyada norma ijodkorligi, huquqni qo‘llash va huquqiy targ‘ibot sohasida amalga oshirilgan ishlar yuzasidan axborot berdi, uning axboroti tinglandi.

Axborotga ko‘ra, 415 ta normativ-huquqiy hujjat loyihasi huquqiy ekspertizadan o‘tkazilib, 372 tasiga ijobiy xulosa berilgan, 43 tasi esa talablarga javob bermagani uchun qaytarilgan.

📊 “E-qaror” tizimi orqali 2025 yilda mahalliy hokimliklar tomonidan 12 320 ta qaror va farmoyish qabul qilingan. Adliya organlari monitoringi natijasida qonunbuzilishlar kamayib bormoqda: 2023 yilda 286 ta, 2024 yilda 179 ta, 2025 yilda esa 160 ta.

🇺🇿 Prezidentning PF–80-son Farmoniga muvofiq, adliya bo‘limlariga qo‘shimcha vazifalar yuklatilib, davlat organlari va “mahalla yettiligi”ga huquqni qo‘llash sohasida amaliy yordamlar ko‘rsatildi.

👍 Shu maqsadda “Mahalla yettiligining asosiy vazifalarini amalga oshirish bo‘yicha qo‘llanma”, “Yoshlar huquqi”, “Ayollarga huquqiy maslahatlar”, “Ijtimoiy himoyaga muhtoj aholi uchun huquqiy to‘plam”, “Tadbirkorlar uchun maslahatlar” kabi qo‘llanmalar tayyorlanib, viloyatdagi 1063 ta mahallaga taqdim etildi.

 📝Ushbu ishlar huquqiy targ‘ibotni kuchaytirish, qonun ustuvorligini ta’minlash va jamiyatda huquqiy madaniyatni yuksaltirishga xizmat qilmoqda.

✅ @sam_vil_deputatlari