"Máhállede abadanlıq hám miyrim-shápáát aylıǵı" sheńberinde Xalıq deputatları Bozataw rayonlıq Keńesi 1-sanlı “Palwash ataw” saylaw okruginen saylanǵa deputat A.Ibragimov óz saylaw okruginde bolıp, “Berdax guzarı, Doslıq hám A.Uteniyazov” kóshe puqaraları menen ushırasıwlar ótkerdi hám úgit-násiyat jumısların alıp bardı.

Ushırasıwlar dawamında mámleketimizde alıp barılıp atırǵan abadanlastırıw, kóklemzarlastırıw, sanitariyalıq-tazalıǵın támiyinlew, ekologiyalıq mádeniyattı arttırıw hám máhállede tazalıqtı saqlaw máseleleri boyınsha keń túrde túsindiriw jumısları alıp barıldı. Sonıń menen birge, puqaralarǵa "Abat shańaraq - abat kóshe - abat máhálle" principiniń mazmun-mánisi túsindirildi, elimizdiń rawajlanıwına hár bir puqaranıń óz úlesin qosıwı zárúr ekenligi atap ótildi.

Sonday-aq, máhálle xalqı abadanlastırıw jumıslarında belsene qatnasıwǵa, átiraptı taza saqlawǵa, nállerdi tárbiyalawǵa hám miyrim-shápáát, tatıwlıq hám óz-ara járdem qádiriyatların bekkemlewge shaqırıldı.
Bul sıyaqlı úgit-násiyat ilajları puqaralardıń jámietlik belsendiligin arttırıwǵa, máhálleniń kórkin jaqsılawǵa hám el arasında bir-birine húrmet penen miyrim-shápáát ortalıǵın bekkemlewge xızmet etedi.