O‘rganish davomida Chorvador MFYning Kultepa qishlog‘ida istiqomat qilayotgan "Ijtimoiy reyestr" ro‘yxatiga kiritilgan oilalar holidan xabar olinib, ularning yashash sharoiti, ijtimoiy qo‘llab-quvvatlash choralari hamda mavjud muammolari o‘rganildi.

Suhbatlar davomida fuqarolar tomonidan bildirilgan murojaat va takliflar tinglanib, aniqlangan masalalarni hal etish yuzasidan tegishli tashkilotlar bilan hamkorlikda zarur choralar ko‘rish bo‘yicha tavsiyalar berildi.

Deputatlik nazorati doirasida ijtimoiy himoyaga muhtoj oilalarni qo‘llab-quvvatlash va ularga ko‘rsatilayotgan xizmatlar sifatini oshirish masalalari doimiy e'tiborda bo‘lishi ta'kidlandi.