❗️Халық депутатлары Шымбай районлық Кеңесиндеги ӨзХДП депутатлық топары ағзасы Х.Абдижалиев районлық Мектепке шекемги ҳәм мектеп билимлендириў бөлиминде болып, алып барылып атырған жумыслардың барысы менен жақыннан танысты.

Илаж даўамында райондағы мектеп ҳәм мектепке шекемги билимлендириў мәкемелериниң бүгинги жағдайы, материаллық-техникалық базасы, билимлендириў сапасын арттырыў бағдарында әмелге асырылып атырған реформалар ҳәм алдағы ислениўи тийис болған ўазыйпаларды додаланды. Сондай-ақ, мектеп ҳәм бақшалардың қысқы мәўсимге ҳәм жаңа оқыў жылына таярлық көриў барысы ҳәм класс бөлмелериниң заманагөй үскенелер, инклюзив билимлендириў имканиятлары ҳәм керекли сабақлықлар менен тәмийинлениў дәрежесине айрықша итибар қаратылды.

Ушырасыў соңында депутат Х.Абдижалиев билимлендириў бөлими хызметкерлери менен биргеликте анықланған айрым кемшиликлерди сапластырыў ҳәм тараўды еле де раўажландырыў бойынша өз ара пикир алысып, керекли усынысларын билдирип өтти.