Xalq deputatlari Tuproqqal’a tumani Kengashining navbatdagi sessiyasida tuman prokurori M. Sapayevning 2026-yil II choragi yakunlari bo‘yicha tumandagi jinoyatchilik ahvoli va amalga oshirilgan ishlar yuzasidan axboroti eshitildi.

Hisobotda qayd etilishicha, joriy yilning birinchi yarim yilligida:
✅ 142 ta prokuror nazorati hujjati qo‘llanilib, 93 nafar fuqaroning buzilgan huquqlari tiklandi;
✅ qonunga zid 20 ta huquqiy hujjat bekor qilindi yoki qonunchilikka muvofiqlashtirildi;
✅ ijtimoiy himoyaga muhtoj xotin-qizlar va yoshlarni qo‘llab-quvvatlash, bandligini ta’minlash hamda infratuzilmani yaxshilash bo‘yicha qator amaliy ishlar amalga oshirildi;
✅ mahallalarda jinoyatchilik profilaktikasi, huquqbuzarliklarning barvaqt oldini olish va aholining huquqiy madaniyatini oshirishga alohida e’tibor qaratildi.

Sessiya yakunida mas’ul tashkilotlarga jinoyatchilikning oldini olish, ayniqsa firibgarlik va axborot-kommunikatsiya texnologiyalari orqali sodir etilayotgan jinoyatlar profilaktikasini kuchaytirish, "sariq" toifadagi mahallalarda manzilli profilaktik tadbirlarni amalga oshirish, yoshlar va xotin-qizlar bilan individual ishlash tizimini takomillashtirish hamda yo‘l harakati xavfsizligini ta’minlash bo‘yicha tegishli vazifalar belgilandi.

Qonun ustuvorligini ta’minlash, fuqarolarning huquq va manfaatlarini himoya qilish hamda hududda xavfsiz muhitni yaratish borasidagi ishlar izchil davom ettiriladi.