Jalaquduq tumanida tadbirkorlik sub’yektlari uchun muhim bo‘lgan navbatdagi amaliy tar-ibot tadbiri tashkil etildi. Ushbu tadbir Jalaquduq XBI rahbari, Mahalliy byudjet, tadbirkorlikni rivojlantirish va iqtisodiy islohotlar masalalari doimiy komissiyasi raisi E.Qurbonov va Jalaquduq tuman Davlat soliq inspeksiyasi rahbari A.Sobirov, O‘zbekiston Savdo-sanoat palatasi tuman bo‘limi rahbari B.Azimovlar hamkorligida o‘tkazildi. Tuman hududida faoliyat yuritayotgan yakka tartibdagi tadbirkorlar, kichik biznes vakillari hamda o‘zini o‘zi band qilgan shaxslar ishtirokida bo‘lib o‘tdi. Tadbirdan ko‘zlangan asosiy maqsad O‘zbekiston Respublikasi Prezidentining 2025 yil 12 avgustdagi “Yakka tartibdagi tadbirkorlar hamda o‘zini o‘zi band qilgan shaxslar uchun qulay shart-sharoit yaratish chora-tadbirlari to‘g‘risida”gi PQ-247-son qaror
ijrosini ta’minlash, unda belgilangan yangi imkoniyatlar, imtiyozlar va tartib-qoidalarni tadbirkorlarga amaliyotiy tarzda tushuntirishdan iborat bo‘ldi. YATTlar faoliyatini soddalashtirish, ular uchun yaratilgan yangi elektron xizmatlar, ro‘yxatdan o‘tish va hisobot topshirish jarayonlaridagi yengilliklar haqida batafsil
ma’lumot berildi. O‘zini o‘zi band qilgan shaxslar uchun belgilangan soliq yukini qisqartirish, bandlikni
rasmiylashtirish va ularning huquqiy maqomiga oid yangiliklar tushuntirib o‘tildi. Yangi qaror asosida tadbirkorlarni qo‘llab-quvvatlash, jumladan, moliyaviy resurslardan foydalanish, mikrokreditlar, subsidiya va kompensatsiya mexanizmlaridan samarali foydalanish imkoniyatlari yoritib berildi. Elektron soliq tizimidagi o‘zgarishlar, soliq intizomini ta’minlash, hisob-kitoblarni to‘g‘ri yuritish hamda qonunchilikdagi yangiliklar bo‘yicha amaliy tavsiyalar berildi. Tadbirda tuman DSI rahbari va Jalaquduq XBI menejeri ishtirokchilarga har bir yo‘nalish bo‘yicha atroflicha ma’lumot berib, tadbirkorlarni qiziqtirgan savollarga amaldagi qonunchilik doirasida asosli javoblar taqdim etdilar. Seminar ochiq muloqot ruhida o‘tdi, qatnashchilar o‘z taklif va mulohazalarini ham bildirish imkoniyatiga ega bo‘ldilar. Ushbu tadbir tadbirkorlar uchun amaliyotiy yordam berish, ularning qonunchilikdagi o‘zgarishlardan o‘z vaqtida xabardor bo‘lishi va o‘z faoliyatini yanada samarali yo‘lga qo‘yishlari uchun muhim platforma bo‘ldi.