Fuqarolar mulk huquqi e’tirof etildi — Paxtachida tantanali topshirish marosimi o‘tkazildi 

Xalq deputatlari Samarqand viloyati Kengashining joriy yil 31 martdagi VII-28-70-7-0-K/26-sonli qarori asosida fuqarolarning yer uchastkasiga bo‘lgan ijara huquqi hamda unda qurilgan bino va inshootlarga bo‘lgan mulk huquqi rasman e’tirof etildi. 

Mazkur qarorga muvofiq, Paxtachi tumanida 170 nafar fuqaro o‘z mulklariga nisbatan to‘liq huquqiy egalik va undan foydalanish imkoniyatiga ega bo‘ldi. 

Bugun Paxtachi tumanida ushbu qaror ijrosini ta’minlash maqsadida tuman Kengashi kotibiyat xodimlari, tuman Kengashi deputatlari hamda fuqarolar ishtirokida mulk huquqini tasdiqlovchi hujjatlarni tantanali topshirish marosimi tashkil etildi.