Xalq deputatlari Zarbdor tuman Kengashiga 5-Navoiy saylov okrugidan saylangan deputat Z.Umurzakov hamda tuman Kengashi kotibiyati bosh mutaxassisi H.To'rayev bilan Navoiy mahallasi hokim yordamchisi faoliyati o‘rganildi.
O‘rganish jarayonida aholini daromadli qilish, ularni tadbirkorlikka jalb etish hamda imtiyozli kreditlar ajratish orqali o‘zini o‘zi band qilishga yo‘naltirish borasida amalga oshirilayotgan ishlar bilan tanishildi.
Shuningdek, deputatga hududda faoliyat yuritayotgan tadbirkorlar misolida olib borilayotgan ishlar tanishtirilib, xususan “ULUG‘LAR BEKI” oilaviy korxonasi faoliyati o‘rganildi. Mazkur korxonada qurilish materiallari — shlakoblok (beton blok) ishlab chiqarish yo‘lga qo‘yilgan bo‘lib, 5 nafar fuqaro ish bilan ta’minlangan.
Aniqlanishicha, ishlab chiqarishni kengaytirish maqsadida xorijdan zamonaviy uskunalar olib kelingan bo‘lib, bu korxonaning quvvatini oshirish hamda yangi ish o‘rinlari yaratishga xizmat qilishi qayd etildi.
Mazkur ishlar hududda tadbirkorlikni rivojlantirish, aholi bandligini ta’minlash hamda fuqarolarning daromad manbalarini kengaytirishga xizmat qilishi ta’kidlandi.