Xalqaro xotin-qizlar kuni munosabati bilan Xalq deputatlari Zarbdor tuman Kengashi deputati, tuman hokimi Bekzod Tashpulatov tomonidan tumandagi 100 yoshga yetgan onaxonlar samimiy tabriklandi.
Deputat onaxonlarni bayram bilan qutlab, ularga ezgu tilaklarini bildirib, bayram sovg‘alarini topshirdi. Suhbat davomida nuroniy onaxonlarning hayotiy tajribasi, jamiyat va oila hayotidagi o‘rni hamda yosh avlod tarbiyasidagi beqiyos hissasi alohida ta’kidlandi.
Ta’kidlanganidek, yoshi ulug‘ insonlarga hurmat va ehtirom ko‘rsatish, ularning duosini olish hamda avlodlar o‘rtasida mehr-oqibat va milliy qadriyatlarni mustahkamlash muhim ahamiyat kasb etadi. Mazkur tashrif ana shu ezgu qadriyatlarning amaliy ifodasi bo‘ldi.