Fuqarolar muammolari o‘rganildi

Xalq deputatlari Qiziltepa tumani Kengashining 12-Xusbuddin saylov okrugidan saylangan deputat L.Niyozova Demas mahallasida istiqomat qiluvchi ijtimoiy reyestrga kiritilgan fuqarolar bilan uchrashib, ularning muammo va takliflarini tingladi.

Uchrashuv davomida fuqarolar tomonidan ijtimoiy yordam, bandlik, sog‘liqni saqlash hamda turmush sharoitlari bilan bog‘liq masalalar yuzasidan murojaatlar bildirildi. Har bir murojaat atroflicha o‘rganilib, ularni hal etish bo‘yicha tegishli tavsiyalar berildi hamda mas’ul tashkilotlarga yo‘naltirildi.

Mazkur uchrashuv aholini qiynayotgan muammolarni o‘z vaqtida aniqlash, ularga amaliy ko‘mak berish va fuqarolarning ijtimoiy himoyasini kuchaytirishga xizmat qilmoqda.