🏛 “Xalqparvar” komissiyasi o‘rganishlari: Maqsad — sifat va shaffoflik!

✅Bandixon tumanida aholi uchun zamonaviy va shinam uy-joylar barpo etilishi diqqat markazida.

✅Xalq deputatlari Bandixon tuman Kengashi huzuridagi “Xalqparvar” komissiyasi a'zosi, deputat X.Abdimo'minov ishtirokida tuman markazidagi “Bandixon” mahallasida qad rostlayotgan ko'p qavatli turar joy binosining qurilish jarayoni ko‘zdan kechirdi.

✅ Loyiha haqida qisqacha:
✅ Quruvchi tashkilot: “Shukrona-Marvarid-Donolari” X/K
✅ Bino parametrlari: 5 qavatli, 50 ta xonadondan iborat zamonaviy turar joy majmuasi.
✅ Topshirilish muddati: Joriy yilning III choragi yakunida to‘liq foydalanishga topshirilishi rejalashtirilgan.

✅ Asosiy e'tibor — xalqaro standartlarga! O‘rganish davomida loyiha doirasida olib borilayotgan ishlarning sifati va ularning xalqaro talablarga mosligi atroflicha tahlil qilindi.

✅Qurilish jarayonida muammoli masalalar deputat tomonidan tinglanib, ularning har biri deputatlik nazoratiga olinishi uchun deputat o'zining murojaatlar daftariga qayd etdi.

"Qurilish ishlarining sifatli bajarilishi va belgilangan muddatda yakunlanishi aholimiz farovonligi uchun o‘ta muhim. Bu jarayon komissiyamiz tomonidan doimiy nazoratga olingan," — deya ta’kidladi komissiya a'zosi, deputat X.Abdimo'minov.

”Bugun amalga oshirilayotgan har bir bunyodkorlik va yangilanish ishlari — inson manfaatlari, xalqimizning farovon va osoyishta hayoti uchun xizmat qiladi. Hududlarda infratuzilmani yaxshilash orqali kelajak avlodlar uchun mustahkam poydevor yaratilmoqda.
✅Shaffoflik va sifat — xalqimiz manfaati uchun bosh mezon!