Prezidentimiz tomonidan ilgari surilgan sog‘lom turmush tarzini keng targ‘ib etish, yoshlarni sportga jalb qilish borasidagi tashabbuslar hamda viloyat hokimining tegishli topshiriqlari amalda o‘z ifodasini topib, hududda aniq va samarali ishlar yo‘lga qo‘yilmoqda.

Deputat tashabbusi bilan o‘quvchi-yoshlar hamda faol jamoatchilik ishtirokida stol tennisi, futbol, shaxmat-shashka sport turlari bo‘yicha o‘rtoqlik uchrashuvlari tashkil etildi. Ushbu sport tadbirlari yoshlarning bo‘sh vaqtini mazmunli tashkil etish, ularning jismoniy faolligini oshirish va sog‘lom raqobat muhitini shakllantirishga xizmat qilmoqda.

Mazkur tashabbuslar orqali nafaqat sportni ommalashtirish, balki yoshlar o‘rtasida sog‘lom turmush tarzini qaror toptirish, ularni birlashtirish va ijobiy muhit yaratish borasida muhim natijalarga erishilmoqda.