Ko‘hna Cho‘ponota mahallasida fuqarolar murojaati asosida markazlashgan issiqlik tizimi quvurlariga oid masala joyiga chiqib o‘rganildi.

📝 O‘rganish jarayonida mahallaning 24- va 25-sonli ko‘p qavatli uylari atrofidan o‘tgan 100 mm diametrli issiqlik quvurlarining joylashuvini o‘zgartirish zarurligi yuzasidan fuqarolar tomonidan bildirilgan taklif va murojaatlar ko‘rib chiqildi.

⚡️ Ma’lum qilinishicha, “Obod mahalla” dasturi doirasida mazkur ko‘p qavatli uylar atrofidagi hududlarni obodonlashtirish, jumladan, piyodalar yo‘laklari va uy atrofi maydonlarini beton qoplama bilan qoplash ishlari rejalashtirilgan. Mavjud issiqlik quvurlarining joylashuvi ushbu ishlarni amalga oshirishda ayrim noqulayliklarni keltirib chiqarayotganligi sababli, quvurlarni boshqa joyga ko‘chirish bo‘yicha amaliy yordam so‘ralgan.

🇺🇿 Mazkur masalani o‘rganish davomida Xalq deputatlari Uchtepa tumani Kengashi kotibiyati mudiri Anvar Usmanov hamda Ko‘hna Cho‘ponota mahallasi fuqarolar yig‘ini raisi Saodat To‘xtayeva ishtirok etdilar.

💼 O‘rganish yakunlari bo‘yicha masalani amaldagi qonunchilik talablari asosida hal etish maqsadida “Veolia Energy Tashkent” tashkilotiga deputatlik so‘rovi yuborilishi belgilandi.

📁 Ta’kidlash joizki, ko‘p qavatli uylarni markazlashgan issiqlik ta’minoti tarmoqlariga ulash va ularga xizmat ko‘rsatish tartibi O‘zbekiston Respublikasi Vazirlar Mahkamasining 194-son qarori bilan tasdiqlangan “Issiqlik ta’minoti xizmatlari ko‘rsatish qoidalari” asosida tartibga solinadi. Shuningdek, sohaga oid Prezident qarorlari, jumladan PQ–100-son hamda 2026-yildagi PQ–48-son qarorlarda energiya samaradorligini oshirish va zamonaviy infratuzilmani rivojlantirish masalalariga alohida e’tibor qaratilgan.

🔼 Mazkur murojaat yuzasidan tegishli tashkilotlar bilan hamkorlikda zarur chora-tadbirlar ko‘rilishi hamda fuqarolar manfaatlarini ta’minlash bo‘yicha ishlar davom ettiriladi.