Mahalla yettiligi faoliyatidan

Xalq deputatlari Angor tumani Kengashi 15-Qo‘shtegirmon saylov okrugi deputati Almardonov Nurqobil tomonidan “Madaniyat” mahallasida faoliyat yuritayotgan ijtimoiy xodimning ish faoliyati o‘rganildi. O‘rganish davomida ijtimoiy xodim Ahmedov Axror tomonidan mahallada ijtimoiy himoyaga muhtoj fuqarolarni qo‘llab-quvvatlash borasida amalga oshirilayotgan ishlar yuzasidan batafsil ma’lumot berildi.Ta’kidlanishicha, joriy davr mobaynida 15 ta ijtimoiy himoyaga muhtoj oilaga oziq-ovqat mahsulotlari yetkazib berilgan. Shuningdek, hashar yo‘li bilan 2 ta xonadon egalariga uy-joy qurish ishlarida amaliy yordam ko‘rsatilgan.Suhbat davomida ijtimoiy xodim tomonidan ehtiyojmand oilalarni aniqlash, ularning muammolarini o‘rganish hamda manzilli yordam ko‘rsatish ishlari tizimli ravishda olib borilayotgani qayd etildi.Hozirda ham ijtimoiy himoyaga muhtoj aholi qatlamini qo‘llab-quvvatlash bo‘yicha tegishli chora-tadbirlar davom ettirilayotgani ma’lum qilindi. Shuningdek, deputat fuqarolarni qabul qilish jarayonlari, murojaatlarni ko‘rib chiqish va ularning yechimini ta’minlash bo‘yicha olib borilayotgan ishlar bilan ham yaqindan tanishdi. O‘rganish yakunida deputat tomonidan aholining ijtimoiy himoyaga muhtoj qatlamlarini qo‘llab-quvvatlash, manzilli yordam ko‘rsatish hamda fuqarolar murojaatlari bilan ishlash samaradorligini yanada oshirish yuzasidan tegishli tavsiyalar berildi.