O‘rganishlar davomida asosiy e’tibor hududlarni kompleks rivojlantirish, aholi turmush darajasini oshirish hamda ijtimoiy infratuzilmani yanada yaxshilashga qaratildi.

Dastlab tumandagi “Obod Turmush” mahalla yettiligi ishtirokida uchrashuv tashkil etildi. Muhokamalar davomida mahalla yettiligining joriy yilda amalga oshirgan ishlari, xususan, aholi bandligini ta’minlash va ijtimoiy daftarlar bilan ishlash tizimi ko‘rib chiqildi. Fuqarolardan kelib tushgan murojaatlar atroflicha tahlil qilinib, ularning yechimi bo‘yicha aniq vazifalar belgilandi.

Murojaatlarni o‘rganish va hudud obodligini ko‘zdan kechirish maqsadida mas’ullar bevosita mahallaning ichki hududlariga chiqishdi. Mahalladagi mavjud binolar va ijtimoiy ob’ektlar atrofi ko‘zdan kechirilib, ularni ta’mirlash
hamda obodonlashtirish masalalari muhokama qilindi.

Hududdagi daraxtzorlar va xiyobonlar holati ko‘zdan kechirildi. Bu yerda ekologik muhitni yaxshilash, daraxtlarni parvarish qilish va aholining madaniy hordiq chiqarishi uchun sharoitlarni kengaytirish zarurligi qayd etildi.
Nazorat tadbirlari doirasida ko‘cha va yo‘l chetlarini kengaytirish, piyodalar hamda transport vositalari harakati uchun qo‘shimcha qulayliklar yaratish borasida olib borilayotgan ishlar joyida o‘rganildi.

O‘rganish yakunlari bo‘yicha aniqlangan kamchiliklarni bartaraf etish, aholi yashash sharoitlarini yanada yaxshilash va hudud infratuzilmasini rivojlantirish borasidagi dolzarb vazifalar deputatlar tomonidan qat’iy
nazoratga olindi.

✍️Oltinsoy tumani Kengash Kotibiyati Axborot xizmati