Xalıq deputatları Bozataw rayonlıq Keńesi, 5-sanlı “Tórtkúl” saylaw okruginen (ÓzMTDP) deputat A.Jangabaeva aymaǵındaǵı turǵınlardıń turmıs sharayatın jaqınnan úyreniw maqsetinde úyme-úy jurip, puqaralar menen sáwbetlesiwler ótkerdi.

Ushırasıw dawamında hár bir shańaraq jaǵdayı menen tanısıp, puqaralardıń sociallıq, kommunallıq hám turmıslıq mashqalaları tıńlandı.

Sáwbetlesiwler barısında puqaralar jumıs penen támiyinlew, ishimlik suw, jol, elektr energiyası hám sociallıq járdem máseleleri boyınsha ózleriniń usınıs hám múrájatların bildirdi. 

Deputat, kóterilgen hár bir másele boyınsha jazıp alıp tiyisli shólkemler menen birgelikte sheshimin tabıw boyınsha ámeliy sharalar belgilep alınatuǵının atap ótti.

Bunday úyme-úy júrip alıp barılǵan sáwbetlesiwler xalıqtıń múrájatların ornında úyreniwge, olardıń dártin tıńlawǵa hám bar mashqalalardı waqtında sheshiwge xızmet etedi. 

Deputattıń bul iygilikli jumısı xalıq penen baylanıstı jáne de bekkemlep, xalıq isenimin arttırıwǵa tiykar bolmaqta.