Viloyat hokimligi katta majlislar zalida hududlardan saylangan Oliy Majlis senati a’zolari, deputatlar, sektor rahbarlari, tashkilot va boshqarmalar boshliqlari ishtirokida xalq deputatlari Surxondaryo viloyati Kengashining to'qqizinchi sessiyasi bo‘lib o‘tdi.

Sessiya ishini xalq deputatlari viloyat Kengashi raisi Choriyev Abduraim Ravshanovich olib bordi.

Kun tartibida O‘zbekiston Respublikasi Oliy Majlisining Senatining 2025-yil 17-martdagi “O‘zbekiston Respublikasi Prezidenti Sh.M.Mirziyoyev tomonidan Korrupsiyaga qarshi kurashish milliy kengashi majlisida belgilab berilgan ustuvor yo‘nalishlardan kelib chiqib, O‘zbekiston Respublikasi Oliy Majlisining Senati hamda xalq deputatlari mahalliy Kengashlari oldida turgап vazifalar to‘g‘risida”gi SQ-89-v-sonli qarori asosida "Korrupsiyaga qarshi kurashish bo‘yicha milliy Kengashning navbatdagi yig‘ilishida belgilangan vazifalar ijrosini ta’minlash hamda yurtimizda korrupsiyadan xoli muhit yaratish to‘g‘risida"gi viloyat prokurori B.Babadjanov va viloyat Ichki ishlar boshqarmasi boshlig‘i T.Ismailovlarning axboroti eshitildi. 

Sessiya ishida jami 21 ta masala deputatlar tomonidan ko'rib chiqildi. 1 ta masala navbatdagi sessiyaga qoldirildi, 20 tasi bir ovozdan ma'qullandi.

Sessiya ishi "Surxondaryo" televideniyesi orqali to‘g‘ridan to‘g‘ri efirga uzatildi.