2025-yil 10-aprel kuni o‘zbek jadid adabiyotining yirik vakili, o‘zbek romanchiligi asoschisi, yozuvchi va shoir Abdulla Qodiriyning tavallidining 131 yilligi munosabati bilan O‘zbek va xorijiy tillar kafedrasi hamda institut axborot resurs markazi bilan hamkorlikda “Abdulla Qodiriyning ijod yo‘li” mavzusida adabiy-badiiy tadbir tashkil etildi. Unda Jizzax shahar kengashi deputati, dotsent X.Xamdamova, institut axborot resurs markazi direktori M.Ropiyeva, o‘quv zali boshqaruvchisi G.Hakimova, Arxitektura va qurilish fakulteti tyutori B.Inatovlar kitobxon-talabalarga adibning ibratli hayot yo‘li, samarali ijodi, yaratgan asarlari va ularning g‘oyaviy ahamiyati kabi mavzularda ma’lumotlar berib o‘tishdi. Tadbir davomida talabalar adib asarlarining yaratilish tarixi, ularning nomlanish xususiyatlariga doir savollar berishib, ustozlar tomonida javoblar olishdi. Shu bilan birga, talabalar adib qalamiga mansub she’rlardan namunalar aytishib, faol qatnashganligi uchun badiiy kitoblar bilan taqdirlanishdi.