Boyovut tumani "Shirin" mahallasidagi 51-umumta'lim maktabida Xalq deputatlari Boyovut tumani Kengashi deputati Xurshid Jo‘raxolov bitiruvchi yoshlar bilan uchrashuv o‘tkazdi. Tadbir davomida deputat mamlakatimizda yoshlarga yaratib berilayotgan keng imkoniyatlar, ta’lim tizimida olib borilayotgan islohotlar hamda yoshlarga oid davlat siyosati haqida batafsil ma’lumot berdi.

Uchrashuvda bitiruvchi yoshlar o‘zlarini qiziqtirgan savollar bilan deputatga murojaat qilishdi. Jumladan, ularni oliy ta’limga kirish tartiblari, bandlik masalalari, startap loyihalarni qo‘llab-quvvatlash tizimi hamda yoshlar tadbirkorligini rivojlantirish bo‘yicha berilgan imkoniyatlar qiziqtirdi.

Deputat yoshlarning har bir savoliga batafsil javob berib, ularni faol, bilimli va tashabbuskor bo‘lishga chaqirdi. Shuningdek, u yoshlarga kelajakda o‘z kasbiga sodiq bo‘lib, Vatan ravnaqi yo‘lida fidokorona mehnat qilish zarurligini ta’kidladi.

Uchrashuv iliq va samimiy ruhda o‘tdi.